- 148 -

والفوابظ والمصاريف الرسميه والغير رسميه وبكل احترام اتشرف بوضع امضاي

الفلاح والله ياسيدي انك شاطر زي مابيقولوا وكمان يحكموانك بالعطل والضرر يعني تاخذ قطن قيمتة زرع الاطيان حقا ان حكموا لك الحكم ده اعطي لك اردب غله وبلاص مش قديم وبلاص سمن

الافوكاتو لما نشوف ياما سمعنا كلام من فلاحين زيك من غير ثمرة وان صدقوا فالبلاص يكون صغير

الفلاح والله ياسعادة البوكاتي ان ما كنشي البلاص اكبر من قعدتك ابقى بطل الحكم

الافوكاتو يقدم التقرير للمجلس ويدفع اثنين جنيه رسم وياخذ للفلاح ويطلب منه اجرة السكة الحديد واللوكندة

الفلاح يقول ياسيدي البوكاتي طيب اجرة الباجورعرفناها والكانطه دي ايه كمان

الافوكاتو احنا قلنا انتو بهايم قلتوا لا

الفلاح طيب ياسيدي اصبر لما ابيع المعزة واعطي لك ثمنها

الافوكاتو يتوجه بالوابور وفي اثنا سفريته يجد خصم موكله باحدى العربيات وينزل على عينه وياخذ منه كام قرش ويحضر يترافع ويقدم نتيجة الجهل ولعدم معرته بالقوانين يحكم برفض دعواه ويستلم الخلاصة

الفلاح يحضر يسأل الافوكاتو ياسعادة البوكاتي جرى ايه في القضية دا اخويا اهو حرث الارض وزرعها قطن وقلعه وحياة عينك

الافوكاتو هات كم قرش نعطيهم للكتبة على شان يخلصوا الشغل

الفلاح يبيع حلق امرأته ويعطيه ثمنه ثم بعدها يحضر يسأله

الافوكاتو ياشيخ قضيتك ما تنفعش

الفلاح طيب يا سيدي جبلو زي الناس اللي يطلبوه ويكسبوا قضيتهم

الافوكاتو هات رسم الابلو عشرة جنيه

الفلاح برهن الدار ويعطيه العشرة جنيه وبعد مدة سال البوكاتي عن القضية

الافوكاتو ياشيخ العشرة جنيه ماكفوش والميعاد مضى وكان اخره انبارح ولو جيت اول انبارح كنا كسبنا القضية واما دلوقتي ما بقاش ينفع

الفلاح طيب ياسيدي ماقلتليش له قبل ما ارهن الدار كانت تنفعننا نتاوى فيها

الافوكاتو ياشيخ انا عاوز منك باقي المقاولة والفايظ بتاعها هاته والا اقيم عليك قضية

الفلاح والله ياسيدي ليلة ما كان ما عندناش عشا كنت شفت في الحلم ان تعبان يبجري ورايه ولما حكيت الكلام ده للفقي قال لي عدوك يغدرك ومن ديك النهار وان ماسك قلبي بيدي وبقول ماليش عدو الا اخويا والحلم هو اتفسر وخويا ما يقدرشي يغدرني