ربما تأتي جريمه ... وتطلب الغفران منه
وأوعى تآمن للظالم ... ولو عليك يسيل أمنه
لابد يوم يبقى حاكم ... عليك وتنزل في سجنه
حسك تنام يوم لعدوك ... اللي العقارب في ذهنه
ومقصده أنه يسوّك ... ويعظمك حين يتقابل
والحق له ناس بالعنيه ... وله طريق لله واصل
أعدى العدا ما كان لين ... والشر كامن في قلبه
يخفي العداوة ويبين ... من الكلام أنك صاحبه
لحين يشوف منك فرصه ... يضحك ويظهر لك حبه
وبعدها يسقيك غصه ... ويحذفك جوا جبّه
آدي العدو ولاّ بلاشي ... اللي الكهانه من دأبه
السن يضحك عالماشي ... وتخشىّ قلبه بمشاعل
والحق له ناس بالعنيه ... وله طريق لله واصل
وللي يريد يأخذ مالك ... والاصل جالك يضيّف
اصبر عليه بكره تخامره ... داهيه تخليه يتأفاف
يروح وحبله على ظهره ... ذليل ووشه بيخوف
لما يريد ربك سعدك ... تضرب عصاتك متهبف
حتى الزمان يبقى عبدك ... وتشوف هناك ضدك راحل
والحق له ناس بالعنيه ... وله طريق لله واصل
وللي حفر لأخيه نقره ... لابد فيها يتكربس