يأمر النواب وتضربني ... عمَيْري ما ني مهفيه

هيا وأياك لم الخريصي ... يجيك من الله بريصي

حيثنك الله عويصي ... شعر لحيك معاديه

هيا وياك لابن جبر (?) ... حيث أن عنده منكم خبر

ما هي خضره واكل هَبر ... خنفسانك ما يبقّيه

هيا وأياك لابن غيث (?) ... نطلب الله نستغيث

تراك عندي تقل شريث ... نعَيْل لا يفه راعيه (?)

قال المخنفس نبي صكْ ... إمَّا لنا وإلَّا لك

حتى تنقطع حجتك ... وكثر المعيار تخليه

هيا وياك يم الشيخ ... تمشي معي تقل ذيخ

مثنى في حلقك صيخ ... يا ويح من حنا نطريه

قال المخنفس انا خالص ... شَهّد عليّ المدارس

تلاميذي بالخنافس ... مالي درب ادلي فيه

* * *

هيا واياك للمستعجل ... كودك تفشل، كودك تخجل

كودك عقب ذا تمرجل ... وطبعك هذا تخليه

والله لو يدري بك خالد (?) ... انك للسنة تعاند

يذبحك وينشر جرايد ... وكل المشايخ تفتيه

اللي يرجع عن الدين ... يذبح بالحد السنين

هذا شرع المسلمين ... حتى السنه تنطق فيه