يا شين وراك ما تمشي ... والخكر خسران قانيها (?)

انظر يديني غدن حرش ... ضرب ومناغيز نركيها

شيلي مواعين مع فرشي ... وازريت مانيب قاويها

كذاب وملعون أبو الشرش ... ذي حيلة خل طاريها

عساك منتب عوض هرشي ... اطيب مطية يخليها

والله ما أشريك با القرش ... وأنت العطاله مغبيها

باع عبد العزيز الهاشل له حمارًا على رجل يدعي بر عوص ولم يعطه القيمة فقال:

يالربع من شاف لي برعوص ... اللي شرى العير واقفي به

يا عنك ما هو على الهاجوس ... من يوم ماجا على حسابه

زل الوعد ما عطان افلوس ... من عينه وين يلقي به؟

يذكر قطينه ورا البرخوص ... والضين ما شوف معزابه (?)

كان انحره واخذ المبيوص ... والله لالوف ركابه (?)

لوه غزال زها الملبوس ... والنهد ما شلع الثيابه

والجرم وافي وهو متروس ... سلام يا ناقش اخضابه

من حاشها حصل الناموس ... لو يدفع مليون برتابه

ينسيك لسي حس بك حاسوس ... ما لا تصره ويش يبغي به؟

وقال يذم حظه:

يوم انتهى عمري وعزمي ترادي ... ذكرت فعلي با الفلايح هك الحين

واصبحت هرش ما يشيل الشدادا ... لي روحن الجيش باتلى البعارين

حظي عنيد وضاري للعنادا ... ليل ونهار با الغرابيل موذين