- 135 -

الطظيكه دي اللي مكتوبه بالنصراني واسمع حكايتي وبعدين اقراها على مهلك

الافوكاتو ياشيخ اسمع انا منيش فاضي

الفلاح ياسيدي اسمع قضيتي وخذ مني اللي انت عاوزه

الافوكاتو طيب احكي لكن قوام

الفلاح انا ابويا مات وخلف مائه فدان واخويا الكبير وضع يده عليهم وحرمني انا واخواتي منهم ولما طلبت منه اللي يخصني مرضيش يعطها لو وهو يزرع ويقلع وعيني بتبص ولو كان يعطيني حقي ويغدر اخواتي الصغيرين ماكنتش ازعل وكنت اكسب كل سنه اقله كم اردب غله

الافوكاتو يمد يده بخيط على الجرس يحضر لهُ واحد بصفة كاتب ويقول لهُ هات القانون الفرنساوي والكاتب بعد مايقلب في الكتب يستخرج لهُ احدها ولما يقراه يسكت طويلا ً بصفته متفكر ويقول ياشيخ يمكني اكسب القضية واعطيك اربعين فدان لوحدك واحرم اخواتك الصغيرين من حقهم واودي اخوك الكبير اللومان لكن بعد تعب كثير وانت اصبر شهرين ثلاثة وتعالي لما افضه احسن سعادة الباشا الفلاني لهُ قضيه في الحقانيه وترجاني امسكها لهُ وان مسكت قضية غيرها يصعب عليه

الفلاح بقى يا سعادة البوكاتي على شان الباشوات ما تسمعشي كلام الناس الفقراء اللي زي

حالي وتمسك شغلتي لحسن اخويا غاظني وعمل شغله وياكتبة القسم وخد الاطيان لوحده

الافوكاتو طيب اصبر بعد يومين وتعالي لما اكشف من القوانين على دعوتك

الفلاح ياسيدي مقدرشي اصبر ولا ساعة يعني القوانين دي حاجه اسم الله عليك اديك زي العفريت بتعرف كوانين النصارى والمسلمين والكوانين اهي قدامك شوف اللي فيهم واخبط على الحديد بجيلك بسلامته لفندي البوكاتي الصغير ويطلع الكانون اللي فيه شغلتي وخد مني اللي انت عايزه

الافوكاتو جاتكم داهيه انتوا ناس بهايم ما تعرفوش قيمة تعبي

الفلاح ياسيدي ما تفتكر شي

الافوكاتو طيب هات ميت جينه انكليزي

الفلاح الجنيه عرفناه والكلمه اللي بالنصراني كمان ايه هيا طلعت جنيهات جديده

الافوكاتو ياسلام انا بقول انتو ناس بهائم تقول لي امسك شغلي ياشيخ الجنيه اللي بخمسة ريال

الفلاح ياسعادة البوكاتي الميت دول بخمس ميات ريالات امال ما علهشي ونقسم البلد نصين واعطيك ثلاثين دلوقت والباقي لما اخد الاطيان وازرعها قطن ابقى اعطهلك

الافوكاتو طيب هات الفلوس وعشرين جنيه رسم

الفلاح يتوجه الى احد التجار وياخذ منه سبعين جنيه ويحرر عليه التاجر سند بمائة جنيه ويحضر يعطيهم للابوكاتو (البقية تأتي