وأسكت الأُجرا الكذَبه عن دي الغلبه ورد كلاًّ عن نمه

وحيات أبوك بكره تسمع عن ذا المجمع لما تجي أوقات غنمه

وتشوف سعوده بجموعه وسط ربوعه وسطوته بعزم الضمه

ما تغرك الغوغا وحالها شوف أوحالها بكره تجيف مثل الرمه

مصر العزيزه محبوبه بل مرغوبه وكل دوله مهتمه

فيها مصالح لأوروبا لا تتخبا والكل يفيدها بدمه

وبحزم عباس وثباته في وثباته يرجع عدو عن ظلمه

كل الملوك تعرف حقه في نور شرقه وتؤيد القول باللكمه

واللي يقول لك ضاع حقه أقطع حلقه وحط صخره في فمه

هوّ أميرنا ذا الشرعي حقو مرعي ما حد ينئيه عن حكمه

والأجنبي عندو خدام أي مثل غلام ويرفتوا ببيان جرمه

اسمع كلامي وأتعلم واوعا تكلم من يُشتَرَى بحتة لحمه

وأثبت على حب أميرنا ويا وزيرنا والهي العدا عنو بعضمه

وأوعا تهيج أفكارك أو أنصارك فالشر يبدو من كلمه

وألزم سكونك وهدوك تلقى عدوّك يعض من غيظه الجزمه

لا بد المحال من آخر لا تتأخر وأصبر تنل حفظ الحرمه

ما يغرك الشنّه ورَنه ولاّ الزنة فظلمة الكون من غيمه

سحابة الصيف تتبدد لا تتمدد وتذهب الشمس الغمه

سر الجرائد بيهذب بل بيأدب إذ كل أقوالها حكمه

شوف المؤيد ولسانه حسن بيانه شكم العدا أحسن شكمه